Жастар

Мемлекеттік жастар саясатын іске асыру мақсатында 2019 жылы бекітілген жоспарға сәйкес биылғы жылы атқарылатын іс-шаралар ай сайын уақытында орындалып отыр.
2019 жылы қаңтар айында Жастар жылына орай мектеп оқушылар арасында «Мұзайдын шебері», ақпан айының 4-12 күндері Республикалық Жайдарман ойынына ауданнан «Рахмет», «Сәлем» құрамалары қатысып, 235 команданың ішінен суырылып шығып, гала концертте өнер көрсетіп, телевизиялық лигаға жолдама алды. 14 ақпан күні Архат ауылында Кеңес әскерлерінің Ауған жеріне шығарылғанына 30 жыл және Елбасының «Ұлы даланың жеті қыры» мақаласындағы атқа міну мәдениетін, аңшылық – саятшылық, ит жүгірту өнерлерінен тай жарысы өтті. 15 ақпан жұма күні Құнанбай қажы мешітінің Бас имамы Болат Самырбаевпен ұжымы және Жастар ресурстық орталығының ұжымының ұйымдастыруымен және мешіттің жамағатының қолдауымен жиналған қаржыға ауданымыздағы 8 отбасына азық-түліктен көмек көрсетіліп, және Қарауыл Гимназиясының оқушылары 1ұл, 1 қыз балаға қыстық бас киімімен курткалары алынып берілді. Жас кәсіпкер Дүйсенбеков Еріктің бастамасымен Абай ауданының белсенді жастары «жақсылық жаса» қайырымдылық шарасы аясында көп балалы отбасына қамқорлық жасап, көмек ретінде азық-түлікпен көмек көрсетілді. Бұл акция әлі де жалғасын табуда. 16-17 ақпан күндері Елбасының «Ұлы даланың жеті қыры» мақаласы аясында 2019 – Жастар жылына орай дзюдо күресінен облыстық ашық турнир болып өтті. Астана қаласы Л.Н.Гумилев университетінде "Жеті Жарғы" пікір сайыс клубының ұйымдастыруымен республикалық "JJ Cup VI" дәстүрлі пікір сайыс турнирінде жерлесіміз Абай ауданының дебат ойындарының қозғалысын дамытып жүрген Молдақашев Қуаныш бас жүлдеге ие болды. 27 ақпан күні Жастар жылының ашылуына орай облыстық, республикалық, халықаралық дәрежеде жүрген Абай ауданының жастарының қатысуымен «Ел ертеңі – жастар» атты аудандық форум өз деңгейінде өтті. 6 наурыз күні Абай ауданының «Жастар ресурстық орталығы» КММ ұйымдастыруымен 8 наурыз халықаралық әйелдер күніне арналған «Ана әркімнің жүрегінде» атты мерекелік кеш «Түнгі студия» фарматында болып, кеш соңында келген қонақтарға гүл шоқтары табыс етіліп, арнайы әзірленген тәттілер де ұсынылды. Сондай–ақ, 7 наурыз күні Жастар ресурстық орталығының ұйымдастыруымен 8 наурыз халықаралық әйелдер мерекесіне орай гүл тарату акциясы өтті. Аудандық мәдениет үйінде Абай ауданының «Жастар ресурстық орталығы» КММ ұйымдастыруымен 9 наурыз күні мектеп оқушылар арасында Жайдарман ойыны «Маусымашар 2019» өтті. Абай ауданының намысын корғап жүрген "Жидебай жидектері" жайдарман тобы Семей қаласының Шәкәрім университетінің "РЕКТОР КУБОГІ - 2019" жеңіп алды және 19 наурыз күні Семей қаласында өткен «Бизнес және сервис колледжі» КМҚК ұйымдастыруымен мектеп оқушылар арасында жайдарман ойынына Абай ауданының «Жидебай жидектері» жайдарман тобы қатысып, «Жастар кубогы – 2019» жеңіп алды. Ұлыстың ұлы күні «Әз Наурыз» мерекесіне арналған «Қошқар көтеру» және «Ұлттық тағамдар» сайысы өтті. Аудан тұрғындарына отандық кино көрсетіліп, жастарға би кеші ұйымдастырылды.
10 сәуір күні мүмкіндігі шектеулі жандарға қуаныш пен күлкі сыйлау мақсатында Абай ауданының «Жастар ресурстық орталығы» КММ және Жас отан ЖҚ бастауымен, ауданымыздың «Үйде арнаулы әлеуметтік қызметтер көрсету» бөлімшесі қызметкерлерінің қолдауымен «Тәтті күлкі» қайырымдылық акциясы өтті. Акцияға ауданымыздың бас имамы Самырбаев Болат Нұрболатұлы, ауданымыздағы кондитерлік өнімдерін дайындаудағы өз ісінің шеберлері Смагулова Гүлнұр мен Бейсенбекқызы Алуа және ШҚО кәсіпкерлер палатасының Абай аудандық филиалының ұжымы демеушілік көрсетіп, үлкен үлестерін қосты.. Акция барысында концерттік бағдарламада Қаламқас ән би ансамблінің жас әншілері өнерін көрсетті. Соңында келген жас қонақтарға тәттілер ұсынылды.
18 сәуір күні Абай ауданының «Жастар ресурстық орталығы» КММ ұйымдастыруымен Елбасының «Ұлы даланың жеті қыры» мақаласы аясында және 2019 – Жастар жылына орай «Аяулы жас келін – 2019» жас келіндер арасында аудандық сайыс өтті. Сайыстың негізгі мақсаты Қыз бала бой жетіп, ақ босағадан аттап, бір үйдің, бір әулеттің келіні атануы – ежелден келе жатқан қазақ дәстүрі. Ұлттық тәрбиені өн бойына дарыта алған қыз бала сол әулеттің түтінін түтетіп, шаңырағын биіктетіп, ауыл-аймаққа қадірлі болып кетеді. Қазақ келіні қашан да отбасындағы ауызбіршіліктің ұйытқысы болған. Келіндер байқауының басты мақсаты да – осы ұлағатты салт-дәстүрімізді жалғастыру, қазақ келіндерінің бейнесін дәріптеу, жас ұрпаққа үлгі-өнеге көрсету. Аудандық сайысқа көркіне инабаттылығы мен өнері сай ауылымыздың 8 аяулы жас келіндері қатысты. Сайыстың қорытындысы бойынша Архат ауылдық округінің келіні Ебін Мақпал Асқарқызы бас жүлдені иеленді. I орынды Б.Байғожина атындағы ясли-бақшасының музыка жетекшісі Өсербаева Шолпан Әлібекқызы жеңіп алса, II орынды Қарауыл ауылдық округі Атамекен ұлттық кәсіпкерлер палатасының Абай аудандық филиалының мемлекеттік бағдарламалар бойынша кеңесшісі Сәркеева Анар Қабдоллақызы, III орынды Қарауыл ауылдық округінің келіні Рамазанова Назгүл Ғабитқызы жеңіп алды.
2019 жылы 7 мамыр күні Абай ауданының «Жастар ресурстық орталығы» КММ мен Жас Отан ЖҚ бірлесіп «2019 – Жастар жылы» аясында «Бір атаның балалары футбол ойнайды» атты кіші футболдан аудандық жарыс өтті. Ойынның мақсаты әрбір жанұяда спортты насихаттап, шағын футболдағы команда арқылы бірлік, отбасына құрмет және елдік патриотизмді тәрбиелеу. Жарыстың қорытындысы бойынша 1 орынды Исахановтар әулеті алса, 2 орынды Жапаловтар әулеті және 3 орынды Тайтөлеуовтар жеңіп алды. Футбол ойынының әдіс-тәсілдерін жетік меңгерген үздік ойыншылар да марапаттан құр қалмады. «Үздік ойыншы» аталымына Сағадиев Нұржан ие болса, «Үздік қақпашы» атағына Орымбаев Алтай лайықты деп танылды. Абай ауданының «Жастар ресурстық орталығы» КММ-нің директоры Сырым Жұмағали барлық мықты деген жеңімпаз командаларды жеңістерімен құттықтап, бағалы сыйлықтармен және Кубокпен марапаттады.
13 мамыр күні Абай ауданының «Жастар ресурстық орталығы» КММ және Абай ауданының білім бөлімінің ұйымдастыруымен «2019 – Жастар жылы» аясында аудандық «Айбын» әскери спорттық ойыны өтті. Ойынға Абай ауданының білім ордаларынан 6 команда қатысты. 1 орынды Абай атындағы ЖОББ мектеп – лицейінің командасы, 2 орынды С.Бекбосынов атындағы орта мектеп командасы және 3 орынды ЖББ Қарауыл гимназиясының командасы алды. «Үздік сарбаз» номинациясын Шәкерім атындағы орта мектеп оқушысы Мұратбекова Гүлім мен М.Әуезов атындағы орта мектеп оқушысы Шалабаев Мақсат алды, ал «Үздік мерген» номинациясы бойынша ЖББ Қарауыл гимназиясының мектеп оқушысы Берікқызы Айымгүл мен С.Бекбосынов атындағы орта мектебінің оқушысы Берікжанов Бақытжан алды, «Автоматты бұзып, құрау» номинациясы бойынша Абай атындағы ЖОББ мектеп – лицейінің мектеп оқушысы Амангелдин Шерхан мен Көкбай атындағы орта мектеп оқушысы Абзалқызы Ботакөз марапатталды.

2019 жылы 21-27 мамыр күндері Алматы қаласында өткен «Жайдарман» ойындарының 2019 жылғы маусымының ашылуы республикалық «Маусымашар 2019» жаңа маусымын бастады. Бұл маусымда өз бақтарын сынауға 100 жете команда бағын сынап, 30 команда іріктеліп, телевизалық жобаға өтті. «Tamasha TV» түсіп, республикалық SuperFestival - 2019 ірікте ойындарында Абай ауданының мектеп құрамасы "Жидебай жидектері" гала концертте өнер көрсетіп республикалық мектеп оқушылар сайысына жолдама алды. Қолдау көрсеткен ата –аналарына үлкен рахмет айтамыз!
31 мамыр күні Қарауыл ауылында Шәкәрім атындағы қуғын-сүргін құрбандары алаңында ашаршылық және саяси қуғын-сүргін құрбандарын еске алу күніне орай ұйымдастырылған митингі өтті. Митингі саяси қуғын-сүргін және ашаршылық құрбандарын еске алу алаңында Шәкәрім Құдайбердіұлы ескерткішіне гүл шоқтарын қою рәсімімен басталды. Жиналған қауым саяси қуғынға ұшырап, жазықсыз жапа шеккен және ашаршылық құрбаны болған бабаларымызды бір минут үнсіздікпен еске алды. Ардагерлер кеңесінің төрағасы С.Мұқажан митингіні жүргізіп, Қоғамдық кеңестің төрағасы Т.Аманғазыға, "Абай елі" газетінің редакторы Ә.Мырзақасымға өз ойларымен бөлісуге сөз берді. "Қаламқас" халық би ансамбілінің әншілері ән айтып, Қарауыл гимназиясы жанындағы Мерғали Ибраев атындағы "Ақсұңқар" ақындар сыныбының оқушылары өлең жолдарын оқыды. Митингі соңында ашаршылық және саяси қуғын-сүргін құрбандары рухына қазақы жолымен құран бағышталды.
1 маусым – Халықаралық балаларды қорғау күніне орай жас аналар бала арбасын безендіруге байланысты шеруден сайыс өтті. Сайыстық қорытындысы бойынша бас жүлде Мейізхан Інжу Нұржанқызы анасы Байтусова Айдана ( Қазақ үй бейнесі), I орын Нұрланұлы Нұрхан анасы Ошакбаева Индира (Бауырсақ ертегісісіндегі бауырсақ бейнесі), II орын Бауыржан Ділдә Марғұланқызы анасы Түсіпбаева Гүлзат (Қарлығаштың құйрығы неге айыр? Қарлығаштың бейнесі), III орын Нұрбек Кәусар Қанатқызы анасы Марданова Гүлдана (күн астындағы күнекей қыз кейіпкері) алды.
Аудандық мәдениет үйінде Абай ауданының «Жастар ресурстық орталығы» КММ ұйымдастыруымен мектеп оқушылар арасында Жайдарман ойыны «Маусымашар 2019» өтті. Ойынға 9 команда қатысты. Командалардың арасында үздік əзілдерімен ерекшеленген жəне де көрермендермен əділ қазылар алқасының көңілінен шыққан «Маусымашар 2019» кубогын «Апамның ыстық бауырсақтары» алса, Архат ауылынан келген «Оқасы жоқ» командасының мүшесі Алдажаров Əнет Əсетұлы «Үздік ойыншы» номинациясын, Бесқарағай ауданынан келген «Формат» командасы «Үздік әзіл» номинациясын алса, Семей қаласы Шәкәрім университетінен «Үште бір» командасы «Маусымашар» жаңалығына иеленді.
Абай ауданының «Жастар» ресурстық орталығы мен «Жас Отан» ЖҚ ұйымдастыруымен «Дене шынықтыру және спорт» бөлімінің қолдауымен 26 маусым «Халықаралық нашақорлыққа және есірткі бизнесіне қарсы күрес» күніне орай кіші футболдан аудандық жарыс өтті.
Жарысқа түскен «Достар» командасы І-орынды қанжығаларына байласа, ІІ- орынды «Көкбай» командасы жеңіп алды. Жүлделі ІІІ-орынды «87 жылы туылғандар» жастары иеленді. Футбол ойынының әдіс-тәсілдерін жетік меңгерген үздік ойыншылар да марапаттан құр қалмады. «Үздік ойыншы» аталымына Жұманов Ернұр ие болса, «Үздік қорғаушы» аталымына Толымханов Аслан алса, «Үздік қақпашы» атағына Мамажаев Сырым және «Үздік төреші» номинация бойынша Мейрамбеков Дарын лайықты деп танылды.

Абай ауданының
«Жастар ресурстық орталығы»
КММ директоры С.Жұмағали

 


Қазіргі таңда жастар саясатын тиімді әрі қарқынды іске асыруда көптеген жұмыстар атқарылуда. Еліміздің бүгінгі жастары жаңа жағдайда, заманауи мемлекеттің жасап жатқан сындарлы саясатының арқасында алысқа қол сермеп, әлемдік деңгейдегі ұстанымды игеріп, келешектің кілтін өз қолдарына алуда.
Қазіргі күні жастар қоғамдағы қозғаушы күшке айналды. Мұның себебі де бар. Елбасы жастар саясатына соңғы жылдары маңыз беріп келеді. Олармен нақты жұмыс істеудің үлгісін көрсетті. Бүгінгі күнге дейін Жастар ресурстық орталығы мен «Жас Отан» жастар қанаты тығыз байланыс орнатып, бір арнада тоғысып, бірлесе жұмыс жасауда. Нұр Отан партиясының қолғанаты болған  «Жас Отан» жастар қанаты үлкен жобаларды жүзеге асыруда. Атап айтсақ, «Жастар Отанға», «Кедергісіз келешек», «Ардагерлерді ардақтайық» және «Бақытты балалық шақ» жобалары аясында «Мұзайдын шебері», «Тәтті күлкі», «Қарттарымыз – асыл қазынамыз», «Жайдарман» ауыспалы кубок ойындары, дәстүрлі дінімізді насихаттау, «Аяулы жас келін» байқауы, «Наурыз» мерекесі, «Жігіт сұлтаны», «Айбын» әскери – спорттық сайыс және «Көлімнің жағасы, елімнің айнасы!» атты акция ұйымдастырылып «Жасыл Ел» сарбаздары мен «Жас Отан» ЖҚ белсенділері Оспан көл, Қарашоқы мекеніне тазалық жұмыстары  жүргізді.
Аудан әкімінің қолдауы арқасында Абай ауданында жастардың «Жайдарман» ойындарына деген қызығушылықтары артып, жақсы даму үстінде. Оған дәлел бүгінгі таңда ауданымыздың барлық ауылдық округтерінде жастардан құралған «Жайдарман» командалары бар. Сондай – ақ, аудан жастарынан құралған  «Рахмет» командасы халықаралық деңгейде ойын көрсетіп жүр. Архат ауылының «Сәлем» жайдарман командасы Шымкент қаласында 1-ші лигада өнер көрсетіп, және осы жылы шілде айында өткен  «Алакөл алаулары» атты фестивальға қатысып 2 орынға ие болды, Облыстық мектеп оқушылары арасындағы Жайдарман сайысында Жидебай жидектері жүлделі III орын алды.
«Жас Отан» ЖҚ мүшесі Абай колледжінің мұғалімі Айдос Үркімбаев      Көкпекті ауданында болған облыстық «Жігіт сұлтаны - 2018» сайысына қатысып бас жүлдеге ие болды. Облыстық «Жасыл Ел» еңбек жасақтарының XIV еңбек маусымының жабылу салтанатында «Жасыл Ел» жұмысының корытындысы бойынша «Үздік жетекші» номинациясын жеңіп алды. Жас проджект жобасы бойынша ауданнан 14 жоба қатысып  9 жоба 9 млн теңге жеңіп алды, қазіргі таңда жобалар іске асырылуда. Ағымдағы жылдың 16 желтоқсан күні ҚР Тәуелсіздік күніне орай  Абай ауданы әкімінің  «Мемлекеттік жастар саясатын іске асыруға қосқан үлесі үшін» жыл сайынғы «Жылдың жас үздіктерін-2018» және финалдық «Жайдарман»  ойындарының марапаттау кеші өтті. «Жылдың жас үздіктері-2018» 8 номинация бойынша марапатталды.

  1. Жылдың жас патриоты – Құрманов Алмас Сейплденұлы
  2. Жылдың жас студенті – Берлешов Нұрсұлтан Ержанұлы
  3. Жылдың жас спортшысы – Барыс Қуан Қуатұлы
  4. Жылдың жас өнерпазы – Толымбекқызы Назгүл
  5. Жыл жас мемлекеттік қызметкері – Қайроллаев Әсет Жанатұлы
  6. Жылдың жас ұстазы – Ошақбаева Индира Еркінқызы 
  7. Жылдың жас отбасы – Уркимбаев Айдос Тілекұлы.
  8. Жылдың жас депутатыТәжмұхаметова Айсауле Аманғалиқызы

«Абай лигасы-2018» жайдарман финалдық ойындарының қорытындысы бойынша бірінші орынды Қарауыл гимназиясының «Голливуд» командасы, екінші орынды Көкбай ауылынан келген «Өмір ғажайып» командасы, үшінші орынды Абай мектеп лицейінің «Жидебай жидектері» иеленсе, төртінші орынды Шәкәрім университетінің «Дежавю»  командасы қанжығасына байлады. «Жылдың үздік ойыншысы» номинациясы бойынша «Дежавю» командасының ойыншысы - Базарбаев Шыңғыс Амангелдіұлы марапатталды.

Абай ауданының "Жастар ресурстық орталығы" КММ туралы ереже *.pdf 4 MB

Мұрағат

Парақтар өзгертілді: 22-07-2019