Ішкі саясат


Ауданның ішкі саясат бөлімі тарапынан жыл басынан бері атқарылған жұмыстар туралы ақпарат

Абай ауданы ішкі саясат бөлімінің басты басымдылықтары – мемлекеттік саясаттың тиімді жүзеге асырылуы, ауданда қоғамдық саяси, діни тұрақтылық пен халық бірлігін сақтау, мемлекеттілікті нығайту, азаматтық қоғам институттарының дамуына қолдау көрсету, ақпаратық кеңістіктің бәсекеге қабілеттілігін арттыру және жастардың дамуына жағдай жасау болып табылады.
Бөлім өз жұмысының басты арнасын Елбасы Н.Ә.Назарбаевтың «Төртінші өнеркәсіптік революция жағдайындағы дамудың жаңа мүмкіндіктері» атты Жолдауын және «5 институционалдық реформа: 100 нақты қадам» Ұлт жоспарын және «Болашаққа бағдар: рухани жаңғыру» атты мақаласын халыққа түсіндіруге, насихаттауға бағыттады.
Осыған орай, құрамында 52 мүшесі бар, 5 аудандық, 9 ауылдық жиыны 14 ақпараттық-насихаттық топ құрылып, ауданда түсіндіру жұмыстарын жүзеге асыруда. Топ құрамына аудан ардагерлері, мекеме басшылары, мемлекеттік қызметкерлер, мұғалімдер, ҮЕҰ мүшелері, қоғамдық пікір көшбасшылары енді.
Аудандық ақпараттық-насихаттық топ мүшелері ауылдық округте болып, халықпен кездесіп Елбасы жолдауының басым бағыттары, мемлекеттік саясат, жеке заңдардың маңызды тұстары туралы үгіт-насихат жұмыстарын жүргізіп, халық тарапынан туындаған сұрақтарға жауап берілуде.

Жолдауға байланысты 2018 жылдың 9 айында 197 іс-шара өткізіліп, оған жалпы 8500 астам адам қамтылды. Ішкі саясат бөлімі тарапынан Жолдауды түсіндіру және насихаттау шараларының кешенді жоспары, ақпараттық-насихаттық қамтамасыз ету бойынша медиа-жоспар жасалынып бекітілді.
Барлық ауылдық округтерде Елбасы Жолдауына, Ұлт жоспарына байланысты барлық сыртқы көрнекілік жаңартылды.
Жыл басында атаулы даталарға байланысты іс-шаралар жоспарлары және медиа жоспары бекітілді. Жоспарға сәйкес барлық мемлекеттік мерекелер, атаулы даталар жаңа идеялық мазмұндылықпен өткізілуде.
Аудан бойынша «Рухани жаңғыру» бағдарламасын іске асыру және насихаттау «Тәрбие және білім», «Атамекен», «Рухани қазына» сынды бағдарламалар және «Туған жер» атты жоба арқылы жүргізілуде.
«Тәрбие және білім» аясында 41 іс-шара:
Латын әліпбиіне көшу тақырыбында кездесулер мен дөңгелек үстелдер, «Рухани жаңғыру» бағдарламасын түсіндіру бойынша семинарлар, жергілікті ақын-жазушылардың оқулары, «Ақберен», «Жарқын болашақ» сынды оқушылар және ұстаздар арасында пәндік олимпиадалар, тәрбиешілер арасында байқау, жастар мен мектеп оқушылары арасында пікір-таластар ұйымдастырылды.
Жастардың бос уақытын тиімді пайдалану және еріктілер мәдениетін қалыптастыру мақсатында «Еріктілер мектебі» жобасы құрылған. Аудан бойынша «Рухани жаңғыру» бағдарламасын іске асыру және насихаттау мақсатында, «Нұр-Сана» салт-дәстүр орталығы әжелері «Ақ орамал» іс-шарасын өткізді.

«Атамекен» бағдарламасы бойынша 21 іс-шара іске асырылды:
2018 жылы «Туған жер» бағдарламасы арқылы 72 млн. 290 мың теңгенің 22 жобасы іске асырылуда. Олар: ауданның 90 жылдығына орай «Абай» ескерткішін салу, мерекелік төсбелгі жасау, келетін қонақтарға сый-сияпаттар алу, Кеңгірбай би, Саржал және Қасқабұлақ ауылдарындағы мешіт ғимараттары, «Әлем Барысы» Айбек Нұғымаровтың демеушілігімен Құндызды ауылына (10 млн), Берік Қанафиннің Саржал ауылына (10 млн) жаттығу залдарын салу, Орда ауылына кіре беріс қақпа салу, Шәкәрім Құдайбердіұлының 160 жылдығын мерекелеу, той жүлделерін алу (аламан бәйге, топ жарыс, жорға жарыс, қазақ күресі жүлделері) іске асырылды.
«Атамекен» бағдарламасы аясында көктемге тазалық айлығында аудан бойынша 1600 түп шырша, 100 қайың (береза), 300 қара ағаш (вязь), 220 шетен (ясень) ағаштары отырғызылды.
Қыркүйек айында жерлесіміз, әлем чемпионы Айбек Нұғымаровтың демеушілігімен «Туған жер» бағдарламасына орай Құндызды ауылында спорт залы пайланауға беріліп, Ақтамберді Сарыұлының ескерткіш бюсті ашылды.
«Рухани қазына» жобасы аясында жиыны 23 іс-шара өтті.

Наурыз айында Қарауыл ауылында жергілікті бюджеттен 1млн 891 мың теңге қаржы бөлініп, орталық кітапхана базасында «Ардагерлер орталығы» ашылды. Онда ақсақалдар жастармен кездесулер, алқалы басқосулар, кеңес жұмысын өткізуге қажетті жиһаздар, теледидар, компьютер алынып, ардагерлердің демалуына жағдай жасалынған.
Облыс әкімі Даниал Ахметовтың қолдауымен облысымыздың өркендеп өсуіне үлкен үлес қосқан аға буын өкілдері, барлық қала-аудандардың ардагерлер кеңестерінің төрағалары Абай ауданына арнайы сапармен келді. Ардагерлер аудандағы жасалған жұмыстармен танысып, елдің тыныс-тіршілігін көріп, оң бағасын беріп қайтты.
Биылғы жылы жергілікті дәстүрлі әнші Жәнібек Кәрменовтің шәкірті – Қайрат Қабышев Саз мектебі базасында өзінің дәстүрлі әншілік сыныбын ашып, жұмыс жасауда.
«Қазақстанның 100 киелі жері» тізіміне енген Жидебайдағы «Абай-Шәкәрім» мемориалдық қорық-музейінде «Қызмет көрсету орталығы», туристерге маусымдық қызмет көрсетуде.
«100 киелі жері» тізіміне енген екінші жоба Тоқтамыс ауылындағы «Қоңыр Әулие» үңгіріне былтырдан бастап 10 мыңнан астам адам зиярат етіп келген.
Жыл басынан бері Шәкәрім Құдайбердіұлының 160 жылдығы Абай ауданының құрылғанына 90 жыл толуына байланысты қоғамдық-саяси, мәдени-танымдық іс-шаралар ұйымдастырылып, баба рухына тағзым етілді.
«Ақпарат толқыны» бағдарламасы аясында медиа-жоспарға сәйкес, «Абай елі» газетінде «Туған жер», «Қазақстан мәдениеті», «100 жаңа кітап», «100 жаңа есім», «Латын әліпбиі», «Киелі жерлер» атты рубрикалар ашылып, жиыны 41 мақала, ресми сайтта 33 мақала, «Вконтакте» әлеуметтік желісіндегі парақшасында 52 пост, «Facebook» әлеуметтік желісінде 43 пост жарияланды.
Аудан бойынша жыл басынан бері «Рухани жаңғыру» бағдарламасы аясында 35 сыртқы көрнекіліктер (баннерлер) жасаланды.
ОТАУ ТВ ұлттық спутниктік телеарналарын ілгерілету бойынша біршама жұмыс атқарылды. Ауданда бүгінгі күнде 1991-ке жуық (бұл аула санына шаққанда 60 пайыз) «ОТАУ ТВ» ұлттық спутниктік телеарнасы жұмыс істеп тұр.
Мемлекеттік ақпараттық саясатты қаржыландыруға 2018 жылы – 9 млн. теңге бөлінді.

Аудандық «Абай елі» қоғамдық-саяси газеті таралымы 2200 дана. Онда Елбасы Жолдауы, ұлттық жоспар, ұлттық идея және мемлекеттік бағдарламалардың жүзеге асыру барысы, облыста және ауданда атқарылып жатқан іс-шаралар, басқа халыққа қажетті ақпараттар жарияланды. сыбайлас жемқорлықпен күрес, сот төрелігі, діни сауаттылыққа арнаулы беттер ұйымдастырылды.
Бүгінгі күні ауданда үкіметттік емес ұйымдардан 7 қоғамдық бірлестік, қоғамдық қорлар, 1 саяси партия филиалы, 1 этномәдени және 6 діни бірлестік жұмыс істеуде.
Мемлекеттік жастар саясатын іске асыруды қаржыландыру көлемі 2018 жылы –13 млн. теңгені құрады.
Мемлекеттік жастар саясатын жергілікті деңгейде іске асыру мақсатында «Жастар орталығы» КММ-сі қызмет жасауда. Жастар орталығының ұйымдастыруымен жыл басынан бері патриоттық тәрбие беру, салауатты өмір салтын насихаттауға бағытталған 68 іс-шара өткізілді.
Ауданда 6 діни бірлестік жұмыс істейді. Бұлардың барлығы да дәстүрлі дін өкілдері болып табылады және «Қазақстан мұсылмандар діни басқармасына» бағынышты. Дәстүрлі емес діни бірлестіктер жоқ. 1 «Діни бірлестіктермен байланыс жөніндегі Кеңес» және 1 аудандық діни ағымдардың мәнін түсіндіру бойынша ақпараттық-түсіндіру тобы жұмыс жасайды.
Жыл басынан бері 11 кездесу, 13 лекция, 2 дөңгелек үстел өткізіліп, оған 1134 адам қамтылды. Ағымдағы жылдың сәуір-мамыр айларында «Сақ бол жас түлек» акциясы ұйымдастырылды. Акция аясында мектеп бітіруші 193 түлекпен және ата-аналарымен түсіндіру жұмыстары жүргізілді.   

Ауданда жиыны 66 көрнекілік конструкциясы бар. Барлығы да Елбасы Жолдауына, мемлекеттік бағдарламаларға байланысты уақытылы жаңартылып отырады.
Ауданның ішкі саясат бөлімі тарапынан күнделікті қоғамдық-саяси ахуалға мониторинг жүргізіліп отырады. Ауданда наразылық акциялары, шерулер, митингілер өткізілген жоқ.
Дәстүрлі емес діни ағымдарды ұстанушылар, өзге деструктивті діни ағымдарды уағыздаушылар болған жоқ.
Экономиканы одан әрі дамыту, әлеуметтік сала мәселелерін шешу, өңірдегі халықтың әл-ауқатын көтеру бойынша қабылданып жатқан шаралар нәтижесінде тұрақты қоғамдық-саяси, діни ахуал ахуал сақталуда.

 Абай ауданының ішкі саясат
 бөлімінің басшы Ұ.Сағадиев

 

Мұрағат

 

Парақтар өзгертілді: 01-11-2018