Спорт


Жетістіктер

Өткен жылы  ауданымызда дене шынықтыру және спортпен жүйелі айналысатын халықтың саны 3408 адам болып 22,4 % құраса биылғы жылы 3618 адамға жетіп  23,6% құрап отыр. Былтырғы жылмен салыстырғанда өсім 1,2 % артып отыр. Біздің аудан осы рейтингілік көрсеткіш бойынша  аудандар мен қалалар арасында 2-ші орында .

Спорт мектебінде биылғы жылы 1 Қазақстан Республикасының спорт шеберіне үміткер және 5 бірінші разрядты спортшы дайындалды. 2013-2014 оқу жылында 26 облыстық, 8 республикалық, 3 халықаралық жарыстарға қатысып 36 спортшы 1 орын, 23 спортшы 2 орын, 18 спортшы 3 орын жеңіп алды. Бұндай көрсеткішке жетуге ауылдық округтерде салынған футбол алаңдары мен хоккей корттары да өз үлесін қосып отыр. Бүгінгі күні Саржал, Қарауыл, Көкбай, Кеңгірбай -би және Қасқабұлақ ауылдарында жасанды шағын футбол алаңдары толыққанды  жұмыс істеп тұр.
Қазақ күресінен М.Таутановты еске алуға арналған Республикалық турнир биыл 3-ші рет өткізілді. Осындай жарыстарды өткізуге және спортшыларымыздың жарыстарда нәтиже көрсетуіне 2012 жылы салынған спорт модулі үлкен рөл атқарып отыр. Модульдегі жүйелі жаттығулардың арқасында осы уақытқа дейін кенжелеп келген футбол, волейбол сияқты спорттың түрлері нәтиже бере бастады. Биылғы жылы волейболдан қыздар командасы алғаш рет облыстық жарыста 2002-2003 жылғы қыздар командасы  женімпаз атанса, 1999-2000 жылғы қыздар командасы жүлделі 3 орынды женіп алды. Ал футболшыларымыз әуесқой командалар арасында өткен облыстық жарыста аудандар мен кіші қалалар арасында былтыр 3- орын алса, биыл 2-орынға ие болды.   
 
Бүгінде шығыс жекпе-жегі таэквандо спорт түрінен спортшылар көптеген облыстық, республикалық жарыстардың жеңімпазы. Осындай спорт кешендерімен алаңдарымызда көбінесе жаттығатын біздін оқушы жастарымыз болады.
Бүгінгі күні аудан көлемінде 11 жалпы білім беретін мектептер мен 1 БЖСМ жұмыс жасайды. Бүгінгі күнде спорт мектебінде спорттың 6 түрі бойынша атап айтқанда қазақ күресі, дзюдо, бокс, волейбол, футбол және тоғызқұмалақ бөлімдерінде жиыны 770 бала жаттығады. Бұларға 24 жаттықтырушы  дәріс беруде. Спорт мектебінің жетістіктерін айтатын болсақ тоғызқұмалақтан ШҚО құрама команда сапында бірнеше Республикалық жарыстардың жеңімпаздары Назымқызы Нұрайым , Дулатұлы Ерасыл, Асетов Аслан, Әлемқызы Әмина, Әлемқызы Фатима және Қимадиев Серікбай ҚР чемпионатында 1 орын алса, биылғы жылы Дулатұлы Ерасыл жерлесінің женісін  қайталап жеңімпаз атанды. Екі талантты жас та спорт шеберіне үміткер нормасын орындады.

Бүгінде бокс спорты да жақсы дамуда. Мәселен Құралов Серікбол, Несіпханов Мұхтар, Манненов Нурболат, Берікжанов Дарын сияқты боксшыларымыз облыстық, республикалық жарыстарда топ жарып жүр. Орда ауылында жастарды бокске баулып жүрген Мырзабеков Нұрлыбектің шәкірті Айымғазин Ерасыл ШҚО құрамасының сапында ҚР-ң чемпионатына қатысатын болады.

«Қазақстан Барысы» ауылдық, аудандық турнирлері жыл сайын өтуде. Осы іріктеуден өткен жерлестеріміз Айбек Нұғымаров 2013 жылы, Мұхит Тұрсынов 2014 жылы «Қазақстан Барысы» атанса, оқушылар арасында өткен «Жас Барыс» Республикалық турнирінің Барыс Қуан жеңіп алды. Ауданымыздан Ерлан Конкеев, Мереке Тұрашев, Қуаныш Искаков, Айдос Сейпілұлы сынды балуандарымыз Азия, Әлем чемпиондары атанып ауданымыздын  мақтанышына айналып отыр.
Сонымен қатар ауданымызда ұлттық спорт түрлері, оның ішінде ат спорты жақсы қарқынмен дамып келе жатқанын айта кеткен орынды. Барлық ауылдық округтерде ат ұстаущылар саны артып келеді. Былтырғы жылы өткен облыстық  халықтық спорт ойындарында осы ат спорты ойындары (қыз қуу, теңге алу, тай жарысы, аламан бәйге) жақсы нәтиже көрсетіп Абай ауданы биыл жалпы командалық есепте 6-шы орын алдық.
   Сонымен қатар биылғы өткен мемлекеттік қызметшілер спартакиадасында да жалпы командалық есепте 5 орынға шықтық.

 

 

 

Парақтар өзгертілді: 30-04-2015